【女人平胸唔係錯，大佬我都唔想做長平公主架】
點解香港做女人平胸就一定要比人笑？女人又係咪要大波 露比男人睇先有用！？我地身材係點係天生架！就好似男人身高、J幾長都係天生一樣，後天真係好難改變到...請不要再取笑平胸既女仔喇，兩個人一齊相信唔係取決於胸前兩舊肉啦下話。
有篇文寫得好好，轉載自連登討論區：
「身爲女人嘅我一直都好自卑平胸，我覺得自己仲平過男人，因為唔知aa cup都有冇...我唔敢膽去游水，唔敢到公眾更衣室換衫，唔夠膽去買bra，我真係好驚俾人知同見到自己係平胸。
我覺得自己人生冇自信過，我知人生唔可以用心口嗰兩舊脂肪黎定義，但奈何呢個係女性嘅生理特徵，你冇，就注定係要自卑。
我唔係瘦底，亦唔洗肥，只係可能天生胸部發育不良，應該係遺傳。我老母早產開刀拎左我出黎，但後來我滿月嘅時候，因為cancer而過左身。我雖然未見過佢，不過睇相都知佢都係胸細一族。我望番我老豆嗰邊，啊嫲姑媽姑姐個個胸好大，我就會諗點解偏偏我就冇。
由中學開始，我見住身邊嘅女同學換衫，見到佢地嘅胸部，再望番自己胸前尤如ipad一樣，我就知我仆街喇。我當時仲會不斷安慰自己：我仲未發育啫，我戴唔啱bra啫。事實係，我個胸真係生唔出脂肪。
我唔係要有大波，我係要有基本嘅胸，揾番作為一個女人嘅尊嚴。
我真係講唔出口，我一直都為平胸而自卑。有時我啲朋友笑啲女明星平胸，或者笑其他人墊厚pad，我都只係苦笑，其實真係冇女人想天生平胸。
有冇絲打明白平胸嘅難受之處？」
Search